حعل عينن مابكت نايف حزينه,,/

يا عيوني يـوم دمعـك تنثرينـه
فوق خدك والخفوق امر وادهـى
من ورى حدب الضلوع اسمع ونينه
يثنـي الونـه ويلحقهـا مددهـا
من يلومك وش يبي تبـت يدينـه
والوطن وارضه رحل عنها سعدها
ايه نايـف طلـة المجـد بجبينـه
دون داره كم وسم كبد ولهدهـا
لجل شعبه ما اهتنت فالنوم عينـه
ولجل داره راحة البـال افتقدهـا
جعل عينٍ ما بكت نايـف حزينـه
فـي مهاجعهـا يطاولهـا رمدهـا
كان للصعبه بحـر نايـف سفينـه
وكان للسنه اسد نايـف اسدهـا
في مواقيف القسى تشهـد يمينـه
واشهد ان امه ما خابت في ولدها
نايف الي مـن يدينـه دون دينـه
يرتكي للكود ويحلحـل عقدهـا
راح للمولـى وقفتبـه سنيـنـه
يوم نفسه فالوعد جاهـا وعدهـا
يـا الـهٍ كلبـونـا عابديـنـه
جعل نايف فالجنان وفـي رغدهـا
ينعم بضلك تحت خيـر وسكينـه
يوم سجدت هامته لجلك سجدهـا
واحفظ النا دارنا فأيـدي امينـه
تحت راية من رفع بأسمك عمدهـا
خـادم البيتيـن مكـه والمدينـه
المليك الي قضى كفـك حمدهـا
طالبك يالله علـى فقـده تعينـه
واخذل الي زمرته قـام يحشدهـا
اللعين الي سطـت فيـه الغبينـه
لين قامت غمتـه تنبـي زبدهـا
والله لتبقـى مطامعهـم رهيـنـه
تحت الاقدام وبلاها فـي غددهـا
الوطن بالسيف الاملـح محتمينـه
والرجال الي غذاها فـي مهدهـا
انشدوا وقتٍ مضى يـا خابرينـه
دارنا ما ماتـت بموتـت فهدهـا



سلطان بن هادي بن بشيّــر

صح لساااااانك يالامير والله يرحم الامير نايف

صح لسانك يابو هادي قصيده جميله

صح السانك يابو هادي وبيض الله وجهك على القصيده

والله يرحم الامير نايف بن عبدالعزيز

تقبل مروري