قصيدة نايف بن غتار الرويس في حفل البهيجي

غازي البهيجي كتب:

قصيدة الشاعر الكبير نايف بن غتار الرويس في حفل زواج ابناء الشيخ معدي بن غازي البهيجي
سلام ياروس الرجال الحلاحيل ××× تسليمة الاسلام سلم الرجالي

(بهايجه) دايم نشاما مشاكيــل ××× اهل الوفا والجود واهل المعالي

واهل الكرم والطيب ذباحة الحيل ××× والعود الازرق والشحم والدلالي


وانتم ياهل عمهوج عدالة الميل ××× الاد عاضي دوم والراس عالي


افعالكم تعرف كما الجدي وسهيل ××× يشهد بها التاريخ باول وتالي



والدعوه الي من خيال الرياجيل ××× نبي نلبيها على كل حالي


والله لو اني من ورى شاطي النيل ××× اني لاجي حشمة كرام السبالي



امشاركه ومباركه مثل ماقيل ××× وانا فدا ربعي بحالي ومـــالي

الليله الليله تساوي مية ليل ××× ليلة تجمع بين غالي وغــالي

الله يتممها بخير وتساهيل ××× حفل (البهيجي) صار حفل مثالي


في مجلس وسطه تساق الفناجيل ××× مجلس شرف مافيه قيل وقالي



فرحة عيال ماعليهم مداخيل ××× فواز مع غازي قروم العيـــالي


ابناء معدي وافي المد والكيــل ××× (معدي) معدي بالكرم راس عالي



يالله عسى يفداه جابان وبخيل ××× اللي مايسوى غترته والعقالــي


(بهايجه) تبهج كبود المغـاليـــل ××× لاصحابهم مثل القراح الزلالـي



بذكر فعايلهم بكل التفاصيـل ××× وعدها من بعد جـــالي مجـالــي


(مثقاب الاول ) يوم عد المفاعيل ××× هو (راعي العصلا) نهار القتالي



فعله مع الاتراك جيل بعد جيل ××× مع(الضيط شالح) محتمين التوالي


(وسرور) من بعده خذا المدح بالحيل ××× بعد فعل له فعل مالي محالي



يوم السبايا مقفيات مقابيـــل ××× منع زعيم القوم بالاجتــوالــي


ثم اعتقه لام العيـون المضاليل ××× بعد دخل في وجه زين الدلالــي


(ومسفر) فعوله للنشاما تعاليل ××× تروي مع الاجيال طول الليالي



يوم انهم قفو على الابل هل الخيل ××× عقب لحقهم حل فيهم جفالي


لحاله ورد الابل بحد المصاقيل ××× وعادت على مقهورها بالمفالـي



(وغازي) بعدهم كمل المجد تكميل ××× (راع الجريبا) لاعتزا ما يبالي


فعله بيوم وضاخ مشهور ومهيل ××× جاب العشاير والغنايم جزالي



امدح هل الطاله وجيب الدواليل ××× والكذب ماطول قصير الحبالي


وانا ليا غنيت زين التماثيل ×××× شاعر جزل وبيوت شعري جزالي



احرص عليها من هل القال والقيل ××× وصوغها صوغ الذهب والريالي


ماهوب شعر اهل العقول المهابيل ××× اطيبهم الي بالمحافل يــلالي



واثني سلامي للرجال الحلاحيل ××× من شاعر الروسان روس الرجالي

صح الله لسان الشاعر
ومشكور على النقل
وبيض الله وجهك يابو معدي
ويستاهلون الطيب البهيجي
تقبل مروري ياغازي


  

صحت ابدانكم والله لا يهينكم ع مروركم

صح لسان الشاعر
ومشكور ياغازي ع النقل الجميل
وتقبل احترامي وتقديري