مراسله بين المهندس هذلول بن حويد والشاعر سلطان بن بشير

هذه القصيده ارسلها الشاعر المهندس هذلول بن حشيم بن حويد للشاعر الرائع سلطان بن بشيّـر

يقول هذلول::


ياسـلام الله سلامـن مايضيعـي
مايضيع اليا نصى نبـع الجزالـه
صاحبي سلطان له صدرن وسيعي
وشاعر المعنى غزيرن في خياله
نسل قومن شانها شانن رفيعـي
واهنـي الـي يناديهـم خوالـه
ذخر حمدي والهم العاصي يطيعي
بالحرابـه والرمايـه والخيالـه
يوم زرق الرمح والحد الوريعـي
فعل مصلح محتمن عمره لحالـه
محتمين البوش في صيف وربيعي
من طمع في بوشهم ماطاب فالـه
في عداهم فعلهم فعلـن شنيعـي
وفي رفاقتهـم رمـوز للجمالـه
وفالشدايد سدهم سـدن منيعـي
يوم ولد اللاش يشكـي ماجرالـه
محسنين القول مع حسن الصنيعي
ومعتلينن فالمعالـي كـل طالـه
والتحيه من هجوسـي للجميعـي
والعذر وان كانهـا دون الجمالـه
وخاتمتهـا ياقديـر وياسميعـي
مدنا بالامـن ننعـم فـي ظلالـه


رد الشاعر سلطان بن بشير يقول




من هجوس الي له القاسي يطيعي
وان ورد تارد على الجمه حبالـه
وهبتن من خالق الكون الوسيعـي
مال احد فيها على نفسي جمالـه
وان بدعت البيت بالمعنى سريعي
سابحن فالشعر من جالـه لجالـه
عد برقن فالسمـا جالـه لميعـي
بالرساله مرحبا واهـل الرسالـه
ماعليكم زود يالحـر الشجيعـي
يالرجال الي علو في كـل طالـه
بالكرم فاقوا على ربـع الدريعـي
والمكارم والمراجـل والاصالـه
تشتري في ساحة الطيب وتبيعـي
بالمـروه والشهامـه والشكـالـه
شد حيلك جعل جهدك مايضيعـي
والولد لا طاب طيبه من خوالـه
وانته مسند على ساسـن رفيعـي
والرشا طيب وياطيـب المحالـه
فوق عد العز حيلـك لا يميعـي
اشرب من الماء ومن صافي زلاله
عقب الي فالوفا عزمـه يريعـي
همتـه ماترفعـه لا جـا مجالـه
كنهـا ناقـة عريمـان السبيعـي
ماتعد اليـا بغاهـا مـن حلالـه