مساجلتي مع الشاعر المبدع فهد بن ثعلي ....؟

السلام عليكم ورحمة الله وبركاته

هذه المساجله بيني وبين الشاعر فهد بن مقبل بن ثعلي العضياني
بديت أنا اقول

وش جدى الي مات حلمه في مهاده
ماتهياله ولاحقق طموحه
والضلوع امست من اللهفه رماده
والخفوق اتنادم احزانه جروحه
اضلم الليل وغشا عيني سواده
والسهر سمر بموق العين لوحه
فالطريق الي يوصل للسعاده
انثنت رجلي وانا رجلي جموحه
العنيد الي ذبح قلبي عناده
من يميز جد خلي من مزوحه
مادرى ان القلب يتعب في بعاده
مرقب الاحزان قلبي في سفوحه
والقلم جف الحبر مااوفى مراده
ماتهيا للورق نزفه وبوحه
يابو مقبل ماخبرتولي عياده
للجريح الي يسوق الهم روحه
وانت انا خابرك ماتبغى شهاده
شاعرن على العلا مااطول شبوحه
صاحبك حاله معنى من وداده
والسموحه كان مااوفيت السموحه
الوصل لأهل الهوى سكر زياده
والفراق اقسى من النفس الشحوحه

الشاعر سلطان بن بشيّر

رد الشاعر فهد بن مقبل

استلم ياهاجسي واعط الافاده
للرفيق الي على العليا صروحه
اشتكالي من عنا الحب ونكاده
والهوى من يتبعه تتعب سروحه
صوبه غرون تمكن من فؤاده
لين قام يلاحي الورق وينوحه
الهوى بالحكي يامسهل نفاده
والهوى بالقلب يامصعب نزوحه
والمحبه دربها يبغى جلاده
نوب ود ونوب صد ونوب فوحه
للدموع ودمعة العاشق قراده
تفضحه لو كان يكتم كل بوحه
وانت يالي لك على الشعر السياده
شاعرن على العلا ياطول شوحه
دام سندت اتكل وارخ الوساده
لين اجيك بديرته واعرف طروحه
والله الي رحمته تغشى عباده
روحك المتكدره تصبح فروحه
وقلبك المأسور تاتطلق قياده
والعبير تلاعب انفاسك نفوحه
صاحبك قلبك يبي يلقى ضماده
مير قلبه من يبى يضمد جروحه
ماجرالك قد جراله لين قاده
لتوجد والسهر واعلن صفوحه
عن هوى الخدرات والحب ومداده
عقب من كانت على حبه نصوحه
مهرتن يبقى هواها في فؤاده
والهوى بالقلب يامصعب نزوحه

وسلامتكم

صح لسان الجميع شاعرين مبدعين والله لايهينكم

مرورك الجميل ياهلا والله نورت الصفحه

هلا بك يابعد حيي

صـــــــ الــســنــتــكم ــحـــة

تقــبــلـــوا مـــروري

صحت الالسن .. مبدعين بما تعنيه الكلمه

وفيتوا الله لايهينكم ..

صحة السنتكم بدعتوا يالثنيين شاعرين جميلين

عذب التحيات لكما

صحة ابدانكم جميعا

لاهنتم ع المرور والتعليق

صاحبك حاله معنى من وداده
والسموحه كان مااوفيت السموحه

صاحبك قلبك يبي يلقى ضماده
مير قلبه من يبى يضمد جروحه

هذين البيتين فالبدع والرد يدلان على تمكن شاعريها

صح السنتكم ولاهنتم

صح لسانكم من جد بدعتوا ....تقبل مروري

صح السنتكم

الأخــوة كلاَ من::::

العـطاوي
توت
غازي البهيجي

لاهنتم ع المرور والتعليق

تحياتي لكم

صـــح الســــــنتكم شاعرين مبدعي
تقبل مروري

» الشاعر المبدع شايش بن مشعل العطاوي بينكم
» الشاعر المبدع:نياف العضياني بينكم هلا وغلا
» مرثيتي فالشيخ::عامر بن شمروخ بن ثعلي(رحمه الله)
» هذه قصيده لشاعرنا المبدع سلطان بن بشيّـر
» الشاعر حامد زيد عشق بدوووويه!!!!