قصيده من اجمل القصائد .. للشاعر عطا الله الفرحان ..
تبي الصراحهــ ..
تبي الصراحة وش تبـي بالصراحـة
أكذب عليك ان قلت لك عايش بخيـر
الحلـم يكبـر والصغـر فالمسـاحـة
وماللوفـا عنـد المعازيـب تقـديـر
قلبي مـن ضلوعـي تشيلـه جراحـه
وش حيلـة ابـن آدم وجـه المقاديـر
لا[جيتني]صـدري يزيـد انشـراحـه
و[غيرك] على دنياي نقص ومخاسيـر
في ذمتي ما[غيرك] أرجـي سماحـه
قول وش تبي مني وأقول أبشر ويصير
من شاف[بعيونـك] مسـاه وصباحـه
عز الله إنـه مارجـا شوفـت الغيـر
إن قلت راحه ماورى النـاس راحـه
بس[إنت][وافي]مايجي منـك تقصيـر
طيـر السعد[بيديـك] اجبـر جناحـه
السالفـه مـاعـاد فيـهـا معـاذيـر
لاجابوا اسمـي كـلآ أطلـق رماحـه
ماكنهم قبـل أمـس عنـدي مساييـر
أبسط مثـال اليـا بغيـت الصراحـه
أقول طيب بـس أنـا مانـي بخيـر
