غايب لكن ماغاب لحظه عن البال ..

الهم والهوجاس مع ضيقة البال
تسهر معي ليلي ليا جيت أبا نام
هم الفراق اللي كوى القلب والحال
والضيقه اللي تبني بصدري خيام
الله حسيبه ليه في غيبته طال
وانا اتحرى مثل محكوم بعدام
فرح علـيه شامتيني وعذال
وخلى عروقي من غذى وصله اصيام
غايب لكن ماغاب لحظه عن البال
دايم معي حتى بنومي والاحلام
لا طرو أسمه صابني خف وهبال
وهلت دموعي كنها دمع الايتام
له عن جميع الخلق فالقلب منزال
وفي منزله صخر من الود خدام
كان الرجا وابني على قربه أمال
واصبح أمل شايش متاهات ووهام
وامنت بن الحب حزه وترحال
لو فرح العشاق بوصاله ايام

(( الشاعر : شايش العطاوي ))

صح لسانك يالعطاوي

صح لسانك يالعطاوي ولا هنت

صح لسانك يالعطاوي ولا هنت

يا مرحبا وصح لسانك ياالعطاوي قصيده جميله

لاهنت وبيض الله وجهك

صح لسانك واعتلا شانك
قصيده جميله من شاعر معرووف

صح لسانك يالعطاوي

صح لسانك يالعطاوي

صحت ابدانكم جميعاا والله لايهينكم على المرور
وبيض الله وجيهكم

صفحة 1 من اصل 1