يحق لي يوم افتخر بجدود./وامجادهم سارتبها الركبان

بعد ان طلبها اخي الادارة اليكم هذه القصيده المعبره عن نفسها.)

ابـا اتمثـل والكريـم معـان/ وابا ابتدي باسـم الله الرحمـن
الواحد المعبـود جلـى وجهـه/ المعتلـي والفـرد والمـنـان
يا رب سددني لقولـن صايـب/ وجنبني اعن الزور والبهتـان
اطلع مراقيب العـلا واعشقهـا / ولا اداني التقصير والنقصـان
شاعر والي فالشعر باعٍ يعّرف/لا قاموا الشعار للميدان
ارد على العد الزلال الراهـي/ واشرب قراحه واروي العطشان
يغوص في بحر المعاني فكري/ وانقى له من اللول والمرجـان
يتعب وراها من يبـى ينقدهـا/والليل يـا راع المعانـي زان
يا جامـع الامجـاد وموثقهـا /رح ردها عني وانـا سلطـان
ورثت طيبي من سلايل جـدي/ ريف الخوي والضيف والجيران
اليا ذكرت ابا اليتامـا مصلـح/ ترجح من اسمه كفـة الميـزان
عوايـده مـا ينـزل الا الاول/ وانشد عنّـه ذخايـر صنيتـان
راع الجهام الي نهـار القالـه/ دحـم بمتنـه دونهـا العـدوان
من فوق صفراً تلحق ولا تلّحق/ لين اصبحت لهل الرمك عنوان
بالرمح والشلفا تعشـى منهـم/ الذيب عقب الطير ابو جنحـان
سبعة من الخيل الاصايل ذبحت /وخمسه من الفرسان والشجعان
انشهـدنـه يسـتـحـق الاول/ في خانة الابطـال والفرسـان
وان جيت لشداد المحنك هـادي/ ابا المراكـي مبلـل السقيـان
عقيد قـوم وهامتـه مرفوعـه/ واليا سرح والا ضـوى هتـان
عزل وابا البّرد تقارن بأسمـه /وفعولهم وقتن مضـى ديـوان
يحق لي يوم افتخـر بجـدودي/ وافعالهـم سارتبهـا الركبـان
وذوي بشيّر كلهـم مـن دانـي/ وافين ولا انسى ذوي عريفـان
ربعي هل الوقفه عصابة راسي/ اهل سنـان وطايلـه وعنـان
ولا نيب من ينسى مواقف ربعه/ ولا نيب من يرمي بلا نيشـان
انـا الـذي لا قلتهـا اوردهـا/على عدود الصـدق بالبرهـان
ربعي حزامي فالرخا والشـده/ واليا نشتدوا ربعـي العضيـان
امجادهم لا جيت ابـا اعددهـا /تعجز حروف الشعر والقيفـان
وافعال ربعي من قديـم وتالـي/ يفوح منها المسـك والريحـان
المدح يزهاهم وهـم يزهونـه/ امن الهييشه لا ورى رضوان
بيبانهم في كل وقـت مشرعـه/ عاداتهم مـا صكـوا البيبـان
الاد عاضي سعد منهـم جنبـه/ ما فيهـم الرعديـد والجابـان
انشهد ان لي فاللـوازم عـزوه /لا ضاقت الحلقه على الابطـان
اليا حداك الوقت يـا سامعنـي/ ولامن وجهه قدم وجهك شـان
وقامت تصافقبك نسايـم بقعـاء/ واحترت بين فلان والا فـلان
ازبن على العضيان يا ناصيهم/ وابشر بقومن تكـرم الضيفـان
مقدمهم الي يحتمـون العطفـه/ لاثـور البـارود والـدخـان
اشيوخ مزحم دون شك وريبـه/ امارةٍ مـن ماضـي الازمـان
تروي يداهم حد كـل مجـرب/ في ساعةٍ يقضي بهـا الديّـان
عمهوج صيته فالجزيره يذكـر/ بين السيوف الحدب شانه شان
كم سابقٍ من ضربته ما قامـت/ من عقب ما هي تقطع الريضان
وكم شيخ قومٍ وقفتـه مشهـوده/ من ضربته غدى عشا سرحان
ومن بعد عم الامن كل الديـره/ طاعوا معزي واخزوا الشيطان
عبد العزيز الله يطيـب ذكـره/ الـي حكـم بالعـدل والقـران
من بحر جده للخليـج وبحـره/ ومن منطقة تبـوك لا جـازان
كل القبايل ما عليهـم قاصـر/ فالدين وعلوم الرجـال اخـوان
واليوم في حكم المليك العـادل/ صقر العروبه حامي الاوطـان
عبـدالله الله يحفظـه ويـعـزه /وولي عهـده سيـدي سلمـان
في ضلهم ننعم بخيـر ونعمـه /والله يديـم الامـن والامــان
الهم ولانـا كـل يـوم وليلـه/ في دمنا يمشي مـع الشريـان
على عهـود جدودنـا لا زلنـا/ نبني مبانينـا علـى سيسـان
وختامها صلـوا علـى سيدنـا/ عدد ما هلت وبلهـا الامـزان
محمـد الهـادي شفيـع الامـه/ صفوة قريش ومن نسل عدنـان

الشاعر سلطان بن هادي بن عقيل بن بشيّــر

صح لسانك يابو هادي وبيض الله وجهك

صح لسانك وبيض الله وجهك الله يعطيك عافيه

صح لسانك يالامير ومشكور كل الشكر على القصيده المميزه

صح لسانك واعتلا شانك

صح لسانك ومشكور على النقل دمت مبدع

الله الله عليك قصيده شامخه

وواستغرب عدم تثبيتها .تسلسلت من بدايتها الى نهايتها

ولم يكن هنالك حشو بل اتت مكمله والكامل ذو الجلال تحياتي

صح لسانك يا ابو هادي مليون×مليون

الله الله الله الله

وسبعة انعام بالبشايره ربعنا وذوي عريفان

وانت فعولكم معروفه وسباقين على الطيب

ويقول الشاعر ..

ابن بشيرمردي الفطر الكون ..//.. ياما انقطع من جرته من عسيفي

وصح لسسسسسسسسانكك يابوهادي

والله لايهينك Smile

صفحة 1 من اصل 1