صاحبي سلطان بن هادي .:)

ياهجوسي حان ميعاد القصيد
والله الله ياهجوسي بالجزال

الجزال الي لشاعرها رصيد
مالي ومال الركايك والهزال

ودي ارسلها على الراس العنيد
صاحبي سلطان محمود الخصال

شاعرن شعره مثل ضرب الحديد
ماهو بشعر السخافه والهبال

اشهد انه فالمواقف مايحيد
واشهد انه فالمواقف راس مال

بعد فرقا الي عسا عمره مديد
جادلن كامل ولله الكمال

خالقه ربن خل كل العبيد
واحسن وصوفه وحبه لايزال

العيون عيون شيهانن فريد
والرموش اسهوم قومن في قتال

والخصر ناحل بوزنه مايزيد
والردوف الله وكيلك كالجبال

مير ياسلطان مادامك عضيد
جاك مكتوبي وابا رد السوال

وسلامتكم

هلا بالاداره ومرحبا

وصح بدنك يالغالي

يامرحبا يابوهادي والعذر منكم على الغياب
والسبه والله الرقم السري مضيعه ولالقيته الا قريب

مرحبا بالشاعر نياف بن حمود شاعر متميز سبق وان قريت له

واشهد له بالابداع وصح لسانك وحياك الله وبانتظار رد شاعرنا سلطان ابن بشير