قصيده للشيخ الشاعر:هادي بن عقيل بن إبشير

بسم الله الرحمن الرحيم


احببت ان اشارك هنا ببعض مالدي من قصائد


والدي الشيخ::هادي بن عقيل بن إبشير,,,,اطال الله في عمره


فهذه من قصائده التي تتكلم عن الحكمة والتجارب في الحياه


اتمى ان تنال استحسان الجميع


مايرتكي للحــمول الا جمال التخوت
تزود فوق الهقاوي ماتجي دونها

والا المفاريد في وقت اللوازم تموت
لو جسمها حي بان الموت بعيونها

اذا زهمت الولد والحقت بالصوت صوت
بالنخوة الي رجال الطيب يمشونها

تبين لك مرجلة صاحبك علمن ثبوت
المرجلة واضحة وانتم تعرفونها

ماتحجب الشمس عنك عشيشة العنكبوت
عشيشة العنكبوت الناس ياطونها

الظل تلقاه عند مرفعين البيوت
الي فعول الشكاله مايخلونها

تلقاه عند اهل الطاله كبار البخوت
النفس في فعلة الطاله يعسفونها

صح لسان والدك ومشكوووور على الطرح هذاه القصيده


تقبل تحياتي :::

الاخ دامح الزلة

لاهنت على هذا الاطراء الجميل وماعليك زود

تحياتي لك

ابا البرد

لاهنت يالغالي وبيض الله وجهك

تحياتي لك

السلام عليكم ورحمة الله وبركاته
حفيد الامير
لا يسعني
الا ان اقول لك سلمت يداك
وصح لسان الشيخ الشاعر هادي بن عقيل بن بشير
تحياتي وخالص شكري وتقديري لك ولشخصه الكريم

ولاتنسى تحبلي خشمه وراسه


مع تحيات


بـْـ ـ ـ ـلـ ـ ـ ـ جـ ـ ـيكـ

الشيخ الشاعر
هادي بن عقيل
رمز وعلم
الله يبييض وجهك ووجه والدك قصيده في منتهى الجمال والأبداع
ومن هذا المنطلق اسجل اعجابي بما تحمله هذه القصيده من درر ثمينه
تحياتي لك ولشخصه الكريم