غابت نجوم السما بغياب خلي
واليالي غاب بغيابه قمرها
اتهيأ للمنام ولا حصلي
والعيون الساهره طول سهرها
غاب وغيابه يشل القلب شلي
من ضلوعن لاهب الفرقا كسرها
يامحمد حال اخوك اردى من الي
حطته سود الليالي في ديرها
لا يكن ولا يروق ولا يكلي
والدموع من الفراق ارزم بحرها
الوليف الي سواليفه تسلي
جذ عن دار المحبين وهجرها
عقب ماكنا من الفرحه نهلي
في بعض والعين لاقاها نظرها
صار كل الي بنيته تحت رجلي
قفته هوج الهبايب في جررها
ياوسيع المعرفه لاهنت قلي
كيف ابى اسلى والهوى روحي اسرها
وان دعتني ذكرياته جيت كلي
وقمت الم البومها واجمع صورها
حالتي تصعب على الي مايصلي
والمطوع لو سمع فيها خبرها
ويل قلبٍ سلته فرقاه سلي
وانثنت ونة عروقه واحتكرها
من يبشرني بقدومه من حولي
قبل روحي لا تروّح في خبرها
الشاعر سعود العطاوي